自製書櫃x2

 

上一輩最鐘意衣食住行乜都親手整親手做。阿嫲會手織冷衫頸巾、阿婆會紮糭做年糕、舅父會揼架木頭車你玩、阿爸見你公仔書多又會砌個多層架出嚟俾你放書。諗翻起其實呢啲都係情趣，人同人之間嘅一種交流情趣。

早前問人攞咗啲唔要嘅櫃門，今個星期的起心肝砌咗兩個同款書櫃，貼上黑邊已經有唔錯效果，比起宜家傢俬果啲蔗渣板書櫃實淨不知幾多倍，材料仲平到笑。

今時今日嘅五金鋪有唔少現成材料或工具方便到你好似玩lego咁，幾乎諗到就砌到。所以暫定下個目標＂摺合式專業動畫燈箱＂乙個。