城人漫畫: 4月 2013

2013/04/25

ＭＶ【脊振ILCハイスクール！】

【脊振ILCハイスクール！】幾有趣嘅ＭＶ。

故事講：從前有個叫＂正電子＂嘅女中學生插班，遇上另一位叫＂電子＂嘅女同學，大家一見如故，往後嘅學校生活令二人友情加深，但天下無不散之宴席，不久正電子要離開電子…

ＭＶ係真人+手繪動畫嘅作品，感覺清新少甜傻傻地，中段加入手繪處理之後就變得狂想跳脫，好能夠表達到年青人心態上嘅波動，與及難自制。

2013/04/24

動畫師是…

老闆看動畫師是-車衣女工(快！要大量生產啊~)

有錢的客戶看動畫師是-貪錢妓女(經常要on call24小時解決佢哋嘅需求，有時都幾無理/禮)

沒錢的客戶看動畫師是-街邊菜販(咁貴嫁！隔離檔平過你喎，搭多棵蔥同芫茜啦，薑呢，唔包㗎？再平啲啦…)

動畫師看自己是-方展博(我方展博要發達…我方展博要發達…)

動畫人｜黃偉恆

2013/04/20

【Ironman Rise of Technovore】

【Ironman Rise of Technovore】睇得幾吃力。編劇導演由美國創作人主導，動畫製作則由日本團隊(Madhouse)負責，兩者加埋就形成不協調現像。

故事為美國少年觀眾而寫，但動畫設計就非常日式寫實硬朗，睇嘅時候腦中有好大落差，所有角色設計雖然好有型，但總覺得橫衝直撞，傻頭傻腦。

動畫人｜黃偉恆

2013/04/18

【宇宙兄弟】南波六太

【宇宙兄弟】今日播到第13集，全劇共54集，有排都未會完住。

原作漫畫本身成人向，改編成動畫後幾有日劇嘅味道，感覺非一般動畫，主角南波六太嘅單身中年男子寫得好過癮，我自己好有共嗚！

故事主要講身為哥哥嘅南波六太要跟弟弟一樣成為太空人，結構好簡約，每一集一個重點講完再去下一個，而吸引嘅地方係人嘅描寫，真係寫梗宜家個社會嘅人。

例如劇中角色雖然要成為太空人，但冇刻意神化咗佢哋嘅能力(暫時嚟講)，同時亦用咗幾多篇幅去探討＂成功＂係乜嘢一回事，強調一件事情如果缺乏運氣絕對冇可能成功；但運氣呢家嘢亦唔會從天而降，運氣係需要播種灌溉，然後當有一天需要援手時，就會有人出手幫忙。

【宇宙兄弟】值得追看！

動畫人｜黃偉恆

2013/04/16

【My Life as a Teenage Robot 】

【My Life as a Teenage Robot 】畫面質量平衡得不俗的作品，參考中。

2013/04/15

定格動畫【PARANORMAN 怪誕小學雞】由Chris Butler及Sam Fell兩位聯合導演。

想特別一提Chris Butler的前作品，有2009年擔任導演的【Coraline 怪誕隨意門】定格動畫，2005年則為Tim Burton的【Corpse Bride 怪誕屍新娘】繪畫分鏡圖，因此定格動畫經驗相當豐富，不下於Tim Burton。

什至，我個人覺得【PARANORMAN】比起同期的【FRANKENWEENIE 怪誕復活狗】更加＂怪誕＂好看。

動畫人｜黃偉恆

2013/04/14

【風之谷】Laser Disc

LD版【風之谷】是當年香港戲院上映的拷貝，配音陣容有徐克、林憶蓮、泰迪羅賓、沈殿霞、岑建勳、黃霑等當時得令的巨星。但此版本經常為人詬病是內容對白被改得地道化後失去宮崎駿原作精神和味道。

圖右下角是劇中的＂巨神兵＂，此角色動畫由當年仍在吉卜力當動畫師的庵野秀明負責繪畫。

（ＰＳ當年電腦動畫還未流行，動畫師們就能畫出如此壯麗的場面，非常厲害！）

2013/04/13

【崖上的波兒】的Credits

吉卜力為小朋友而設計的人名謝幕，睇得好開心，所以話宮崎駿動畫得人愛戴是有原因。

2013/04/09

【手塚治虫物語－為了所愛的生命】

【手塚治虫物語－為了所愛的生命】

1990年的電視追思節目，亦即手塚離開後一年，片長90分鐘。劇集由演員–古谷一行演繹手塚治虫生平往事，故事由大學醫科實習生年代講起(1946年－昭和21年)，直至患上胃癌後離世的一段日子(1989年－平成元年)。

追看近代動畫歷史中幾位關鍵人物，對於動畫創作能夠起好大的鞭策作用，手塚治虫是其中一位表表者。

動畫人｜黃偉恆

相關

《怪醫黑傑克的誕生》

《Animated Self Portraits》

2013/04/07

【臨死!!江古田ちゃん】

好有驚喜的一齣"寫實"動畫，原著漫畫《臨死!!江古田ちゃん》2005年開始連載，2011年先後被改篇成電視劇及動畫。

故事圍繞24歲獨身女-江古田的日常生活，男女關係題材佔了大多數，題材夠寫實什至"赤裸裸"的！完全擺脫商業浪漫休閒單身族類型。例如江古田在家獨處時，喜歡無拘無束地全裸；對住冰箱裡頭的一大堆過期食物，她會懶處理，直至食物發臭為止；初次邂逅合眼緣異性時會裝扮矜持，但內心卻恨不得立刻＂嗒咗人哋落肚＂等等…

【臨死!!江古田ちゃん】令人看完有心花怒放的感覺。

動畫人｜黃偉恆

【Le Magasin des Suicides】

小說改編法國動畫【Le Magasin des Suicides】(中譯:自殺專賣店)2012年作品，快看了片段，似乎是一齣不錯的動畫，觀賞完畢再跟大家介紹。

動畫人｜黃偉恆

2013/04/03

【The Amazing Screw-On Head】

美國漫畫家Mike Mignola成名作是著名的《Hellboy》漫畫，此作除電影改編亦有過動畫，不過並未好像電影般帶來回響，失去原作者嘅Hellboy味道，最終未能帶動另類英雄潮流。

相反這齣低成本製作的【The Amazing Screw-On Head】就驚喜得多，忠於Mike Mignola繪畫特色之外，動畫亦沒有＂將貨就價＂，反而善用日本動畫簡潔手法，令全劇整體抺去美國動畫固有的難消化的「沉厚感覺」。

動畫人｜黃偉恆