《麥兜噹噹伴我心》

 

《麥兜噹噹伴我心》好睇，但好難定義出佢有幾好睇，因為戲中涉及太多地道港人經歷跟情懷，就係個種「點解鐘意？因為鐘意囉！」

「 碎濕濕」係一貫麥兜作品風格，但整體絕冇話「濕濕碎」；同您講嘅都係一份濃「情」而唔係單單一個「故事」

個人另一感受係「麥兜動畫」可貴獨特之處在於全球動畫之中搵唔到近似或類同，作為一個動畫工作者，我須要為自己從新定義「動畫」一詞。

行出戲院門口，沿老廟走過砵蘭街，一街都係來自北方嘅佳麗，"樓上鋪"更加廿四小時營業，抬頭有幢去唔夠三次嘅朗豪坊，搵咗間普普通通嘅茶餐廳歇歇腳，檯對面有三個馬夫，其中一人屁股坐低就叫咗個白切鷄飯食，然後三人一輪咀就互ｘ或x人老母。

春田花花嘅電影情節，現實生活中不斷重覆上映，沒完沒了，哈哈，我有便便嘅感覺～