《接心木》的女太鼓手

拉往疲累嘅身軀走去睇咗一場擊鼓劇場《接心木》。

觀賞自己完全唔認識嘅藝術媒介，帶嚟好多觀念上、習慣上嘅刺激。進場已見各表演者在場中敲打樂器熱身，所謂熱身其實都係佢地嘅表演一部分。全劇表演看似隨意，但又好能感受到戲劇節奏，處處帶來意外小驚喜。女子組合嘅太鼓手真係好得好厲害，睇往佢地手瓜起𦟌巾幗不讓鬚眉，兩手鼓棒大開大合，單單打出強而有力有層次嘅鼓樂，就己經好有魅力。我都不其然咁跟住節拍un身un世。離場有煥然一新嘅暢快感覺。

成日有人講「你一認真就輸」，計我話「認真」不但唔會輸，佢仲會令人得到尊重，「認真」其實真係好吸引好迷人，我稀罕。