《蝙蝠俠－夜神起義》

終於睇咗Batman《夜神起義》，完場感覺有啲唔捨得，因為Christopher Nolan三部曲終於完結。

今集《夜神起義》內容擺脫好多Batman式嘅處理，例如冇再花篇幅強調佢嘅緊身戰衣（面罩尤至被Bane打碎分成兩節）；蝙蝠標誌同蝙蝠洞比過去都出現得少同低調（蝙蝠射燈什至冇開著過）；唔再標榜腰帶內嘅秘密武器；招牌飛鏢亦只出現過一次用嚟襲擊小嘍囉等等。

故事大部分時候都係日光日白發生，好幾場Batman跟Bane比拚拳頭交嘅情節都輸得狼狽難睇，其中屹立大廈頂嘅場口更刻意平庸，唔再賣弄有型，甚至刻意抺走Batman味道。噢！幾乎冇哂我期望嘅元素，但Christopher Nolan締造出一個接近現實嘅Batman，電影中又真係好少見。